Browsing Tag

мајчинство

Инспирација

Инспиративни мајки: Марија Илкоска – Развој низ игра

Првата средба со Инстаграм блогот на Марија Илкоска веднаш ви открива дека се работи за личност со огромен сензибилитет, внимателност и чувство за развитокот и играта на детето. Нејзините белешки се моќни потсетници за сите родители како да се поттикне креативноста, развитокот и поинаквоста кај децата, но и самите родители да бидат активни учесници во играта. Тимот на Концепт мама ужива во секој нејзин нов запис, кој се чини како да е зрак светлина.

Која беше инспирацијата и целта да почнете со Инстаграм профилот?

За развојот на децата почнав да се интересирам уште додека бев на факултет, каде што имав предмет во кој детално се изучуваше развојот по месеци. Интересот ми се зголеми кога добив ќерка, чијшто развој го следам будно. Не од амбициозни причини и побуди, и не затоа што сакам да форсирам некој особен напредок кај неа, туку затоа што тоа ме исполнува мене лично, а истовремено и помагам да ги искористи своите потенцијали на најдобар можен начин. Читајќи ги коментарите на мајки на социјалните мрежи, добивав впечаток дека се недоволно информирани за текот на развојот, за тоа кога и на кој начин се појавуваат одредени способности кај детето и која е нивната улога во поттикнувањето на истите. Така се роди идејата за создавање на Инстаграм профилот „Развој низ игра“.

Продолжи со читање

Баланс мама

ИНСПИРАТИВНИ МАЈКИ: Моја Инста Мама

Недела е одличен ден за читање на нови постови на Концепт мама. Денес ви ја претставуваме Мартина или Моја Инста Мама:

Која беше инспирацијата и целта да почнете со Инстаграм профилот? 

– Уште кога бев бремена со големата ќерка, почнав да следам многу инста мајки, кои ми станаа инспирација да започнам и јас. Меѓутоа, после тоа почнав на работа и се откажав поради обврски. Кога ја родив втората ќерка, решив дека морам да започнам со свој мама блог. Така настана @mojainstamama.

Инспирацијата ми се моите две ќеркички, интересните моменти, а целта ми е да се прикаже секојдневието на една мајка во денешното време. Бидејќи Инстаграмот не е повеќе платформа каде што има само убави слики,  но и платформа каде можат да се раскажуваат приказни.

Што се трудите да постигнете со постовите, видеата? Што би сакале да споделите со другите мајки?

– Кога станав мајка, како и секоја мајка, бев неискусна и многу прашања што ми се вртеа во главата морав да ги пребарувам на интернет. За доста работи, не знаев дали се нормални и дали така треба да бидат. Затоа, целта на блогот @mojainstamama  е да се сподели секојдневието на една модерна мајка, сите предизвици, убави и не толку убави моменти, справување со различни ситуации, совети, мотивација, инспирација, секојдневни проблеми, рецепти, здрави навики, а треба да почнам и вежбање 🙂 Кога сето тоа го споделувам со другите мајки, добивам огромен фидбек и сум многу среќна поради тоа. Сѐ што сакаат да прашаат и да советуваат слободно може да ме контактираат – тука сум да помогнам. Не сум експерт, меѓутоа зборувам од моето лично искуство.

Како го балансирате своето секојдневие како родител?

– Кога имав само едно дете, си викав „ леле, колку ми е напорно, ништо не можам да постигнам“. Може да замислите како е со две, хехехе…. Шегата на страна, мислам дека со две сум поорганизирана од порано, а и уживам во заедничките моменти заедно.

Каква поддршка им е потребна на луѓето кои се на прагот да станат родители? Како треба да се едуцираат родителите за време на родителството? 

– Да се стане родител е најтешката, но воедно и најубавата професија во животот. Да се стане родител значи да се откажеш од себе и да се посветиш на децата. Секако дека не треба да се запуштиш, меѓутоа да се ставиш на некое друго место на листата на желби и потреби. Иако некогашната изрека гласи : Родителството/мајчинството е вроден инстинкт кој се појавува кога ќе се роди детето, јас не се согласувам со тоа. Родителството се учи. Денес со интернетот имаме пристап до толку многу статии и кај нас почнаа да се одржуваат доста работилници на тема родителство. Секој кој се интересира може да прочита повеќе и да учествува.

Кои се Вашите омилени книги, музика и филмови за родителството?

– Искрено за филмови немам време воопшто, а и повеќе сакам да читам, иако и за тоа немам време. Книга која сум ја читала кога бев бремена со првото дете „ Што да  очекувате во првата година“. Денес кај нас се појавија доста профили за родителство, како и профили за развој на децата низ игри, што вреди да се следат и има доста да се научи од нив. Секој ден учам по нешто ново.

Како го доживеавте своето раѓање како мајка и како се снаоѓате со сите предизвици? Кои свои граници сакате да ги надминете во тоа и каков совет, приказна, искуство би споделиле со другите мајки? 

– Мислам дека ниедна мајка не е целосно подготвена да влезе во улогата на мајка. Како и секоја мајка и јас се плашев дали ќе бидам добра мајка, меѓутоа сите стравови исчезнаа за брзо.  Како растат децата, секој ден учам нешто ново и се соочувам со нови предизвици, со кои се справуввам спонатно, како знам и умеам. Доколку ми треба помош – барам, читам, се едуцирам. Граници немам, а доколку некој сака да ја следи мојата приказна во улога на родител, да добие/даде совет, нека ме следи на мојот Инстаграм и на мојот Фејсбук профил @mojainstamama.

Баланс мама

Баланс тандем: Палачинки со боровинки и воведно видео во аштанга јога

Додека работиме на тоа здравата исхрана и спортувањето да ни станат интегративен дел на секојдневното живеење, а не предизвик, решивме во категоријата Баланс мама да споделуваме програми за вежбање и рецепти кои можете да ги применувате во вашето секојдневие. Од исклучителна важност е постојано, а особено во периодите на бременоста и потоа во родителството да внесуваме храна која дава енергија и да практикуваме вежби кои даваат енергија. Го знаете оној момент кога јадете ”нешто што не треба” и кога на вашето дете му давате да јаде нешто здраво, тоа сака нешто од вашата чинија, а вие велите не? И самите знаете дека не е еден од вашите славни моменти. Го чувствувате заморот, што од секојдневните обврски, од работа, од енергијата на децата која не можете секогаш да им ја возвратите? Колку помалку вежбате и применувате физичка активност, толку помалку енергија имате, а да не го спомнуваме чувството на вина кое секогаш лебди во меѓупросторот. Од таа причина, во случај кога треба да почнете со повеќе промени ви предлагаме да почнете со мали чекори. Секое вежбање, дури и она што трае 10 минути, а е консеквенто е значајно, секое воздржување од внесување храна која само ви го крева шеќерот, а потоа ве спушта е исто така значајно. Да направиме мали чекори заедно.

Продолжи со читање

Баланс мама Експерти и совети Инспирација Концепт мама

Млечниот бакнеж

“Our bodies are so strong, so incredible, and beautiful even with flaws and scars and weaknesses.”

За време на Светската недела за поддршка на доењето, World Breastfeeding Week, од Концепт мама би сакале најнапред да им изразиме поддршка на сите мајки без разлика на нивните избори во однос на доењето. Процесот и патот на остварувањето на млечниот бакнеж, времетраењето на доењето и самиот став на мајката во однос на доењето можат да бидат под влијание на различни општествени и културни фактори, околности, причини и достапни информации. Од таа причина, на почетокот на овој пост би сакале да изразиме поддршка за сите мајки  и жени, и разбирање за повеќето фактори кои влијаат на нивните одлуки, а за кои честопати се површно осудувани. Сметаме дека, наспроти осудата, сите треба да влијаеме на нашите општества, семејства и пријатели да ја согледаат вредноста и поширокиот контекст на мајчинските одлуки. Притоа, една од клучните одлуки е токму доењето на своето дете. 

Продолжи со читање

Експерти и совети Концепт мама Некатегоризирано

ИЗВАДОК ОД КНИГАТА „КОНЦЕПТ МАМА“ : Како да препознаеме кога е вистинското време да одиме во болница?

Кога ќе започнат контракциите, пробајте да не ја исцрпите нагло целата енергија со страв, стрес и паника бидејќи таа ќе ви биде потребна низ целото времетраење на проодувањето. Движете се, пешачете, испечете колачиња, препорачливо е да не легнувате во кревет или да седите, бидејќи ќе ви биде потешко. Пијте многу течности: вода, природни сокови, смуди, лимонада, јадете вистински калорична храна, домашно направени мусли-барови, интегрални зрна комбинирани со овошје или слично (храна која лесно може да се дигестира). Јавете се во болницата да најавите дека имате одредени знаци доколку сте несигурни, но не брзајте. Контракциите, особено кај жените што се породуваат прв пат, може да траат многу долго, а доколку отидете во болница ги зголемувате шансите од различни медицински интервенции. Многу од жените практикуваат да останат дома и поради тоа што се чувствуваат поудобно да се справат со болките во познат, домашен контекст. Стандардното правило за контракциите е 5-1-1, што значи дека треба да појдете во болница кога контракциите се раздалечени 5 минути, траат 1 минута и сето тоа се случува во времетраење од еден час (некои болници имаат и правило 4-1-1 и 3-1-1). Доколку почувствувате некој од следните симптоми: крвавење, мачнини и повраќање во подолг период, неможност да почувствувате движење на бебето подолг период (претходно пробајте да се напиете студен пијалак или размрдајте се за да предизвикате движење), имате неподнослива болка, чувствувате потреба да туркате или имате чувство дека бебето ќе излезе, имате заматен поглед или вртоглавица – задолжително е да тргнете кон болницата.

Продолжи со читање

Баланс мама Експерти и совети Концепт мама

ИЗВАДОК ОД КНИГАТА „КОНЦЕПТ МАМА“ : Како да се ублажи состојбата на мачнини во првите месеци од бременоста?

Носете ја својата бременост како круна!

***

Како да се ублажи состојбата на мачнини во првите месеци од бременоста?

 

„Дали оваа состојба некогаш ќе заврши? Кога конечно ќе си дојдам на себе? Дали некогаш ќе уживам во својата бременост?“ Доколку овие прашања ви се добро познати, сигурно сте доживеале состојба на мачнини во бременоста. Кај 60-70 проценти од жените, во првите недели се појавуваат мачнини и повраќање, кои вообичаено прекинуваат на крајот на првото тромесечје, но поретко може да продолжат и до деветтиот месец. Понекогаш на таквата состојба може да влијае и генетската предиспозиција, но тоа не е правило. Патогенезата на мачнина и повраќање ја подразбираат различни метаболични и невромускулни фактори, иако нивната точна причина е непозната. „Пошироко е прифатено дека гестационото повраќање се должи на различни услови на метаболизмот и ендокриниот систем, а повеќето од нив се поврзани со плацентата“. Оваа состојба не значи дека ние сме слаби како организам во тој период. Напротив, треба да се потсетуваме дека таа означува подготовка и влегување во процесот на создавање на сферата за растење на нашето дете. Треба да се поддржуваме, верувајќи дека истата таа сфера носи обвивки од сите наши претходни искуства (исхрана, вежбање, пристап кон животот), како и можност да ги надополниме и зацврснеме истите и во самиот период на бременоста.

Продолжи со читање

Концепт мама

Извадок од книгата „Концепт мама“ : За идните „Концепт родители“

***

Би сакала да ви објаснам што ме натера да ја напишам оваа книга. Едно попладне, заедно со сестра ми ја чувавме Sвезда, која имаше само еден месец. Јас бев целосно исцрпена, и физички и емотивно, а покрај тоа постојано се борев да изгледам како да можам да направам сѐ. Пишував текстови, правев скици и цртежи, читајќи низ своите книги споделував некој „нов пронајдок“ за тоа како треба да се однесува мајката или таткото, што сѐ треба да се направи за бебето да се згрижи во целосна љубов. Знаев дека сѐ беше подготвено да се промени. Дека сѐ веќе се променило.

Продолжи со читање

Инспирација

ПРИКАЗНИ ЗА МАЈЧИНСТВОТО : Раѓање без страв

Во 2011 се омажив за мажот од моите соништа. Бев прилично болна пред свадбата и изгубив многу од телесната тежина. Позитивната страна на тоа беше што можев лесно да го закопчам венчалниот фустан. Лекарите ми кажаа дека најверојатно нема да можам да имам деца и доколку се случи чудо, да имам, најверојатно ќе ги изгубам за време на бременоста.

Со сопругот си поминавме прекрасно на медениот месец и се вративме полни со љубов и енергија за животот. Недела дена подоцна ми задоцни менструацијата. Решив да направам тест за бременост. Ми беше досадно, во ниеден момент не помислив дека тестот може да биде позитивен. Кога го видов резултатот за малку ќе паднев од креветот.

Мојот сопруг беше во шок. Пцуеше и беше преплашен. Кратко време потоа се навикна на новите случувања. Кога бев во шестата недела имав прилично многу крварења и решив да отидам на лекар, помислив дека ќе го изгубам бебето и ми требаше потврда од лекарот дека сеуште сум трудна. Ми потврдија дека сé е во ред. Бев надвор од себе од радост.

По три месеци, повторно крварење, отидов на лекар со најдобрата другарка. Не го очекував одговорот – близнаци!

Му се јавив на сопругот и го слушнав како викна од другата страна на телефонот. До ден, денеска не знам дали викањето беше од радост или од страв.

По 5 месеци моите близначиња се родија предвремено, на 26 недели. Од овој шок секојдневно закрепнуваме. Тој ни ги смени животите засекогаш.

Секој ден се заблагодарувам дека претходно,  со години подучував хипно-раѓање* (Хипно-раѓање е техника на породување чија основна цел е да го отстрани стравот. Следствено се намалува или целосно отстранува болката, за којашто се тврди дека е негов резултат.).  Ги користев своите алатки и техники за време на породувањето за да ги родам своите деца природно и безбедно. Поминувањето низ каналот за раѓање им помага многу на прерано родените бебенца, може да им даде природна почетна поддшка во животот. Прилично сум сигурна дека начинот на кој се породив овозможи денеска моите деца да бидат здрави.

Предвремените породувања се многу поинтензивни од породувањата на време. Како што ми се зголемуваа контракзиите, паднав целосно во состојбата на хипно-раѓање: очите затворени, длабоко дишење, сопругот нежно ми зборуваше на увото..Бев на посебно место – се замислував како да сум во базен, осветлувањето е минимално, а нежните звуци наоколу ги галат моите контракции.

Го слушнав докторот како нареди да ми го проверат пулсот. Бев толку длабоко во медитација што изгледаше како да спијам или како да сум се онесвестила. Го родив моето прво, Ксандер, сосема природно со 3 длабоки дишења. Џои, се имаше превртено на местото што го остави неговиот брат. По закана од царски рез и внатрешно превртување, ги замолив лекарите да пробаме природно. Дојде тим и ми помогнаа од надвор да го наместиме Џои во правилна позиција. Се роди и тој, целосно природно.

3 дена откако се родија, не можев да ги држам моите момци. Беа толку малечки и се бореа за живот. Денеска се нормални момчиња и секој ден ме воодушевваат со нивната сила и љубов.

Моето породување беше сосема спротивно од она што го замислив, но благодарение на хипно-раѓањето и поддршката на мојот сопруг за време на породувањето можам да се завртам назад и да кажам дека го дадов најдоброто од себе. Беше неверојатно позитивно искуство и се гордеам со тоа. Денеска сум уште повеќе инспирирана да подучувам хипно-раѓање и да им помагам на мајките да го доживеат најдобро што можат при своето породување.

Породувањето не е никогаш совршено, но може да биде позитивно. Моето дефинитнвно беше такво.

Софи Енглифилд

http://birthwithoutfearblog.com/

https://www.hypnobirthingforyou.co.uk/

Својата приказна за мајчинството пратете ни ја на следниов линк:

https://docs.google.com/forms/d/e/1FAIpQLSdl8lZhr9-RozXX3hzPjBRch1VRXiRKb0OZHH17qI_RTYeKvA/viewform

Концепција – конкурс за приказна

 

 

Инспирација

Приказни за мајчинството : Грижење со корист

Хана, мајка која го очекуваше своето второ дете, сакаше да има едноставно, природно породување по искуството на породување со сите медицински нишани. Нејзината грижа дека раѓањето ќе биде уште едно болно разочарување висеше како облак над нејзината бременост. Во осмиот месец на бременоста делуваше стегнато и амбивалентно.

Чекаше од мене да и кажам дека сѐ ќе биде добро.

Продолжи со читање

Концепт мама

Концепција – конкурс за приказна

Сите тие расположенија, спомени, чувства, љубов, трансформации, внатрешни монолози и поминати миниживоти. Концепт мама сака да ги слушне Вашите скриени, интимни постови, гласови. Со проектот „Концепција” Ве повикуваме со нас да ги споделите Вашите приказни за мајчинството. Најискрените, најавтентични и најкреативни 3 приказни ќе добијат подарок од нас, додека останатите ќе се најдат заедно во дигиталното издание „Концепција” на Концепт мама (наградите и изданието ќе бидат организирани во текот на месец јуни 2018).

Продолжи со читање